Siglufjarðardeild RKI útskrifar nemendur af námskeiðinu Börn og umhverfi.

Kátir krakkar á Rauðakrossnámskeiði. Ljósmyndari; Finnur Yngvi Kristinsson

Á námskeiðinu er farið í ýmsa þætti er varða umgengni og framkomu við börn, aga, umönnun og hollar lífsvenjur, leiki og leikföng. Einnig er lögð áhersla á slysavarnir og algengar slysahættur í umhverfinu.

Leiðbeinendur á námskeiðinu voru Elín Arnardóttir hjúkrunarfræðingur og Mundína Bjarnadóttir leik- og grunnskólakennari.
Námskeiðin eru 16 kennslustundir og í lokin fá þátttakendur litla skyndihjálpartösku að gjöf og viðurkenningarskjal til staðfestingar um þátttöku.

Til hamingju krakkar þið stóðuð ykkur vel, gangi ykkur vel.
Kveðja Mundý og Elín.