Síldarrétturinn 2010 kominn á síldarhlaðborð Hannesar Boy

Vinningsréttur keppninnar um besta síldarréttinn 2010 er nú kominn á síldarhlaðborðið á Hannes Boy í hádeginu. Það var Daníel Pétur Baldursson sem vann keppnina með glæsibrag í fyrra með „Síldarréttinum hennar ömmu“. Á laugardaginn klukkan 14:30 fer síldarkeppnin fram í annað sinn.



Í fyrra var árleg síldarkeppni Hannesar Boy haldin í fyrsta skipti og er hún opin öllum sem áhuga hafa. Fimm þátttakendur voru í keppninni þar sem kenndi ýmissa grasa og menn sýndu listir sínar og snilli. Einfaldleikinn er þó oftast bestur og uppskriftin hennar ömmu bar úr býtum.

Skráning í keppnina fer fram á Kaffi Rauðku, í síma 461-7733.