Síldarsöltun að vetri

Síðastliðin laugardag var bæjarbúum boðið að koma í Bátahúsið og salta sér síld í fötur til vetrarins.
Er þetta í annað sinn sem Síldarminjasafnið stendur fyrir slíkri söltun. Fékk safnið í lið við sig þaulvanar síldarstúlkur sem sýndu rétt verklag og vinnubrögð. Margir komu og nældu sér í vetrarforða af krydd- eða sykursíld, enda um bæði hollan og góðan mat að ræða.