Sjómannastund í Siglufjarðarkirkju

Íslenski fáninn. Ljósmyndari; Finnur Yngvi Kristinsson

Ljúfir tónar hljómuðu í Siglufjarðarkirkju í kvöld þar sem árleg sjómannastund var haldin í kirkjunni.

Séra Sigurður kynnti sögu altaristöflunnar á Siglufirði og lýsti því hvernig málverkið sýndi kaldan veruleika sjómanna og hvernig Kristur vakir yfir þeim til að lægja öldurnar. Kirkjukórinn söng sálma, Helena Eyjólfsdóttir stórsöngkona gladdi gesti með fagurri rödd sinni í einsöng og síðast en ekki síst sungu kirkjugestir léttar sjómannalagasyrpur.