Skíðaminjadeild FÁUM sett á fót
sksiglo.is | Almennt | 24.02.2010 | 15:21 | Síldarminjasafnið | Lestrar 693 | Athugasemdir (
Skíðaáhugamenn og stjórn FÁUM
Stofnuð hefur verið sérstök skíðaminjadeild innan FÁUM - félags áhugamanna um minjasafn. Í vetur varð Skíðafélagið 90 ára og má segja að það hafi verið kveikjan að því að nokkrir áhugamenn fóru að huga að söfnun skíðaminja.
Þeir Bjarni Þorgeirsson, Jón Andrjes Hinriksson, Benóný Sigurður Þorkelsson og Rögnvaldur Þórðarson leituðu til FÁUM – félags áhugamanna um minjasafn, um að stofnuð yrði skíðaminjadeild innan félagsins. Þessi umleitun þeirra var samþykkt á fundi FÁUM 20. febrúar með undirskrift formlegs samnings. Kapparnir vilja færa skíðasögu Siglufjarðar til vegs og virðingar og hafa þegar staðið fyrir lítilli sýningu í glugga KS skrifstofunnar eins og flestum bæjarbúum er kunnugt. Markmið skíðaminjadeildar er að safna gripum, ljósmyndum og öðrum heimildum sem tengjast skíðaiðkun siglfirðinga á liðinni öld svo opna megi skíðaminjasafn eða standa fyrir sýningum á þessari merku sögu. Starfsmenn Síldarminjasafnsins taka þessu framtaki að sjálfsögðu fagnandi og verða innan handar með skráningu gripa, forvörslu og uppsetningu sýninga.
Athugasemdir