Snarl komið í hús

Í dag var blaðinu „Snarl“ dreift í hús en blaðið er gefið út af nemendum 10. Bekkjar Grunnskóla Fjallabyggðar í tengslum við fjáröflun fyrir útskriftaferð þeirra í vor.


Ákveðið var að dreifa blaðinu frítt í öll hús þessi jól þar sem verið er að kynna það á Siglufirði í fyrsta sinn en það hefur verið siður að gefa blaðið út á Ólafsfirði síðastliðin ár. „Við viljum endilega halda þeirri hefð við í nýjum sameinuðum skóla okkar í Fjallabyggð“ skrifa Bjarkey og Erla í bréfi til Sigló.is og vona að íbúar hafi ánægju af blaðinu.

Í Snarli kennir ýmissa grasa og má þar meðal annars nefna viðtöl við bæjarbúa, uppskriftir og hugleiðingar varðandi jólin, kveðjur og auglýsingar fyrirtækja, stjörnuspá 10. bekkjar.