Sólstöðuganga

Næstkomandi föstudag, 24. júní, verður sólstöðuganga Ferðafélags Siglufjarðar. Sólstöður, og lengsti sólardagur ársins, eru 21. júní en við ákváðum að færa gönguna til næstu helgar á eftir og verður hún því að þessu sinni á Jónsmessunni, 24. júní.

Rúta fer frá torginu kl. 21:15 inn að Máná. Gengið verður frá Máná, inn Mánárdalinn og upp í Dalaskarð. Síðan liggur leiðin norður Leirdali á móti miðnætursól. Hægt er að ganga upp á Hafnarhyrnuna sem er 687 m, en síðan er gengið niður í Hvanneyrarskál. Verið vel klædd, takið nesti með og munið eftir myndavél.

Fararstjóri: Gestur Hansson. Verð: 1500 kr. Frítt fyrir Ferðafélagsmeðlimi og börn. Rúta er innifalin í verðinu.

Göngutími: 4-5 klst. Brottför frá Ráðhústorgi klukkan 21:15.

Heimasíða: FS.