Söng- og hæfileikakeppnin

Kátir þátttakendur að lokinni keppni í fyrra

Þann 31. janúar fer hin árlega Söng- og hæfileikakeppni Grunnskólans fram í Tjarnarborg. Þar munu fjölmargir nemendur stíga á stokk og sýna hina ýmsu hæfileika sem þeir búa yfir. Líklegt er þó að söngurinn verði fyrirferðamestur.

Undanfarin ár hefur verið húsfyllir í Tjarnarborg á þessum viðburði og gestir hafa skemmt sér sérlega vel.

Þessa dagana stendur yfir skráning í keppnina og eru þeir sem ætla að taka þátt beðnir um að skrá sig hjá umsjónarkennara sínum fyrir miðvikudaginn 16. janúar. Ekki verður hægt að skrá sig eftir það.