Spaugstofan fær nýtt heimili á Stöð 2

Spaugstofan hefur verið einhver ástsælasti sjónvarpsþáttur þjóðarinnar síðastliðin 20 ár en sökum niðurskurðar hjá RÚV var ákveðið að taka þáttinn af dagskrá. Landsmenn þurfa þó ekki að örvænta því í dag var tilkynnt um það að þátturinn hefji göngu sína á Stöð 2 með nýrri þáttaröð þann 9 október næstkomandi.

Þættirnir verða áfram á sínum gamla sýningartíma, á laugardögum klukkan 19.35 og Spaugstofumennirnir Karl Ágúst, Pálmi, Siggi Sigurjóns og Örn Árnason verða allir á sínum stað.