SR-Vélaverkstæði

Ég kom við á SR-Vélaverkstæði fyrir stuttu síðan.

Hilmar Elefsen fór með mig smá útsýnistúr og hann sýndi mér 2 vélar sem þeir eru búnir að smíða og eru að fara að senda frá sér. Önnur vélin fer til Færeyja og hin austur á Vopnafjörð.

Önnur af þessum vélum er svokölluð hráefnissía sem fer til Færeyja. Hráefnissían síar út blóðvatn og vökva frá hráefninu sem fer svo í vinnslu.

Kjarnablandarinn blandar saman svokölluðum soðkjarna  við pressuköku,  þessi blanda heldur svo áfram í þurrkara verksmiðjunnar þar sem fiskimjölið verður að endingu til. Kjarnablandarinn fer á Vopnafjörð.

Starfsmenn SR-Vélaverkstæðis hafa unnið hörðum höndum við það að smíða vélarnar fyrir Vélsmiðjuna Héðinn og eru nú að prufa græjurnar áður en þeir skila þeim af sér. 

Ég tók að sjálfsögðu nokkrar myndir af vélunum og starfsmönnum SR-Vélaverkstæðis.

Elvar Elefsen, Alli Arnars og Sverrir Elefsen að fylgjast með prufukeyrslunni á nýju græjunni.

Sverrir að skoða hvort allt sé ekki í lagi.

Jónas Halldórsson stoltur fyrir framan nýsmíðina.

Kjarnablandarinn.

Það var í nógu að snúast hjá strákunum.

Heimir Birgis var á þönum allan tímann sem ég stoppaði þarna.

Heimir ansi vígalegur.

Hans Ragnarsson sló ekki slöku við þó verið væri að taka myndir.

Rúnar Óli.

Friðrik Hannesson vildi ekki láta taka myndir af sér nema að hann væri á bak við tjaldið.