Sumarstemning á Siglufirði

Blíðskaparveður hefur verið um helgina á Siglufirði og fjöldi fólks verið að spóka sig í blíðunni; rennt sér á skíðum í frábæru skíðafæri, farið í söfn, kaffihús ofl.

Fólk sat úti við Kaffi Rauðku á laugardaginn í 16 gráðu hita, í dag sunnudag í 11 gráðu hita og fékk sér hressingu. Áfram er spáð góðu veðri á Norðurlandi.

Við höfnina var mikið að gera við landanir á fiski. Grásleppukarlar að koma með net að landi þ.e. þeir sem höfðu of mörg net í sjó. Landhelgisgæslan og Fiskistofa tóku rassíu á þeim bátum sem voru með of mörg net í sjó og lét þá taka upp net umfram þann netafjölda sem hver bátur má vera með.




Fjöldi gesta var á skíðasvæðinu