Svipmyndir úr síldarbæ 2. Myndir og myndband.

Svipmyndir úr síldarbæ 2.

Örlygur Kristfinnsson hélt bókakynningu á föstudaginn síðasta. Örlygur var þar að kynna nýjustu bók sína " Svipmyndir úr síldarbæ 2".

Örlygur hefur áður gefið út bókina "Svipmyndir úr síldarbæ" sem hlaut mikið lof gagnrýndenda.

Eins og segir á bakhlið nýju bókarinnar " Bókin bregður upp sterkum og áhrifamiklum mannlífsmyndum frá Siglufirði á liðinni öld."

Mikill fjöldi fólks kom til að kynna sér bókina og hlusta á upplestur hjá þeim Örlygi og Anitu. En Anita Elefsen las einnig upp úr bókinni ásamt Örlygi. 

Sérstakur heiðursgestur var Guðný Friðfinnsdóttir eða Gunna Finna en einn kafli bókarinnar er einmitt um Gunnu Finna. 

Í bókinni er farið víða og margir koma við sögu eins og Ásta Júl og fjölskylda, Stefanía í Brakkanum, Siggi Gísla, Alli King Kong, Jói á Nesi, Sólveig á Síldarplaninu, Andrés Þorsteinsson, Jóhann Andrésson sem gjarnan var kenndur við samfesting, Helena frá Prag, löggæslumenn og verkamenn bæjarins, Kristfinnur Guðjónsson og svo að sjálfsögðu Gunna Finna.

Það litla sem ég hef náð að glugga í bókina lofar hún alveg ljómandi góðu og það sem ég las er hörku skemmtileg lesning.

Svo koma hér myndir og eitt myndband sem hugsanlega gefur smá nasasjónir af því sem fyrir augu ber í bókinni.

Hér er Örlygur að lesa upp úr bók sinni.

Anita Elefsen las einnig upp úr bókinni.

Fjöldi fólks mætti til að hlusta á upplesturinn og kynningu á bókinni.

Steingrímur Kristinsson tók við eintaki af bókinni fyrir hönd Ljósmyndasafns Siglufjarðar. En eins og flest allir Siglfirðingar vita á Steingrímur einna helst heiðurinn af því að Ljósmyndasafn Siglufjarðar varð til og öllum þessum fjölda mynda. Ótrúleg menningarverðmæti fyrir Siglfirðinga og Siglufjörð sem Steingrímur hefur haldið til haga og komið áfram í varðveislu.

Guðný Páls skemmti sér stórvel sagði hún.

Rannveig Pálsdóttir var hæstánægð.

Og svo eitt örstutt myndband frá upplestrinum.