Sýning nemenda úr Menntaskóla Fjallabyggðar

Laugardaginn 14. maí síðastliðinn var skemmtileg sýning á verkum nemenda Menntaskólans á Tröllaskaga. Nemendur í fagurlistum og listljósmyndun sýndu afrakstur vetrarins auk þess sem nemendur voru með ferðakynningu þar sem þau ræddu við gesti og gangandi og kynntu ferðahugmyndir á Tröllaskaga.


Það kenndi ýmissa grasa á sýningunni og mátti t.d. sjá málverk, ljósmyndir,klippimyndir,skúlptúra og fjölbreytnin svo sannarlega í fyrirrúmi. Mikill fjöldi fólks lagði leið sína á sýninguna og voru sýningargestir greinilega hrifnir af því sem í boði var. Sýningin stendur fram yfir laugardaginn 21. maí en þá útskrifar skólinn tvo nýstúdenta. Tilvalið fyrir áhugasama að líta við í skólanum og sjá hvað nemendur hafa verið að vinna að, svo sannarlega jákvæð birtingarmynd þeirra áhrifa sem Menntaskólinn hefur í samfélaginu okkar.




Sýning nemenda.















































Ljósm. GJS.