Stofnfundur í Fjallabyggð

Fréttir

Stofnfundur í Fjallabyggð

Stofnfundur haldinn í Þjóðlagasetri

Síðastliðið föstudagskvöld voru stofnfundir hjá kvæðamannafélagi og dansfélagi í Fjallabyggð. Stofnun þessara félaga bar upp á 150 ára fæðingarafmæli sr. Bjarna Þorsteinssonar og var liður í því að halda daginn hátíðlegann.

Áhugamenn um kvæðamennsku og dans komu saman í Þjóðlagasetri sr. Bjarna, fjölluðu um lög og starfsemi félaganna og kusu sér stjórn til að leiða starfsemina.

Oddbjörn Magnússon var kosinn formaður dansfélagsins og meðstjórnendur Þórdís Pétursdóttir og Gestur Hansson. Formaður Kvæðamannafélagsins er Guðrún Ingimundardóttir og eru Örlygur Kristfinnsson og Erla Gunnlaugsdóttir meðstjórnendur. Nýtt fyrirtæki Rúnu og Dísu, Þjóðlist ehf, kemur til með að annast umstang, skipulag og reikninga fyrir félögin.

Margar hugmyndir að nafni fyrir félögin hafa komið fram en ekkert hefur verið ákveðið.