Tippleikur KF og Billans á Siglufirði

Síðastliðinn laugardagur var merkisdagur hjá Tipparaklúbbi KF á Siglufirði.

Í tilefni dagsins var elduð afbragðsgóð súpa, borin fram með brauði og dýrindis túnfisksallati.  Það voru þeir yfir-tippalingar Ægir Bergs og Grétar Sveins sem brugguðu súpuna og sallatið.

Grétar tilkynnti um "tippara mánaðarins" fyrir nóvember og desember 2012.  Tippari nóvember-mánaðar 2012 er Hafþór Kolbeinsson og tippari desember-mánaðar 2012 er Guðmundur Þorgeirsson - Mummi.  Tippari mánaðarins hverju sinni fær í verðlaun hamborgaraveislu í boði Billans.

Síðan voru veitt verðlaun í bikarkeppni tipparaklúbbsins fyrir haustið 2012.  Bikarmeistarar eru feðgarnir Árni Skarphéðinsson og Jakob Árnason, þeir fengu að sjálfsögðu bikar.

Yfir-tippalingar í þessum tipparaklúbbi eru:  Ægir Bergs, Grétar Sveins og Þorri Tryggva.

Niðurstöður leikja í hverri viku má finna á trolli.is

Félagarnir hittast alla laugardaga á Billanum, þar er alltaf góð stemming og flest-öll heimsins mál rædd frá kl. 11 - 13.

Fréttamaður siglo.is leit við á laugardaginn og tók þessar myndir.

Myndir og texti: GSH