Tónleikar í bátahúsinu

Kór Norðfjarðarkirkju.

Á laugardaginn kom kór Norðfjarðarkirkju til Siglufjarðar og hélt tónleika í Bátahúsinu. Kórinn var kominn norður til að skoða Síldarminjasafnið og vildu meðlimir kórsins fá að borga fyrir sig með söng. Það var auðsótt og ákveðið var að bjóða íbúum Fjallabyggðar í Bátahúsið og hlýða á sönginn.

Fjöldi manns sótti tónleikana en alls voru um 100 manns í húsinu meðan á tónleikunum stóð. Tónleikagestir fengu útprentaða dagskrá með teikningu af siglfirsku síldarplani og á meðal þeirra laga sem kórinn flutti var hið vinsæla „Ég sá hana fyrst.“ Fleiri sígildar dægurperlur voru fluttar og létt gospell og ekki annað að sjá en Fjallbyggðungar hafi verið ánægðir með flutninginn.