Tónleikar í Bátahúsinu

POLIFONICA DE PUIG-REIG - KÓR FRÁ KATALÓNÍU Á SPÁNI Þriðjudaginn 28. ágúst kl. 20:00 verður íbúum Fjallabyggðar boðið til tónleika í Bátahúsinu.

Spænskur kór, frá Katalóníu, mun þar flytja tónlist sína. Kórinn mun á Íslandsferð sinni einnig syngja í Hörpu og Hofi á Akureyri. Kórinn var stofnaður árið 1968 og hefur komið fram um allan heim; í Evrópu, Asíu, Suður Ameríku og Bandaríkjunum. Lagaval kórsins er afar fjölbreytt – allt frá óperum til þjóðlaga og söngleikja.

Enginn aðgangseyrir – allir íbúar Fjallabyggðar og aðrir gestir eru hvattir til að mæta á þessa einstöku tónleika.

Heimasíða: http://www.sild.is/

http://www.youtube.com/watch?v=Xc6RpWc9bkY