Tónleikar Þórarins Hannessonar

Það er alltaf nóg að gera hjá Þórarni Hannessyni tónlistarmanni og þúsundþjalasmiði. Tóti eins og hann er oftast kallaður hélt tónleika í Þjóðlagasetrinu þar sem hann flutti frumsamið efni ásamt góðum félögum.

Það er nóg að gera í tónlistinni hjá Tóta þessa daganna og stíf dagskrá framundan.

Tóti söng með með Ragga Bjarna og Þorgeiri Ástvalds ásamt sönghópnum Gómum á skemmtun í Allanum þann 23. julí og flutti svo eigið efni á tónleikum í Þjóðlagasetrinu mánudaginn 26. júlí.

30. og 31 júlí mun hann ásamt Daníel Pétri Daníelssyni troða upp með gítarinn á Rauðkutorgi og þann 31. júlí kemur hann fram með Gómunum á sviðinu viðTorgið.

Þórarinn tekur auk þess þát í tveimur sýningum af dagskránni Meira salt í Bátahúsinu þar sem Gómarnir syngja með Ómari Ragnarssyni og Bogomil Font.

Þórarinn stendur svo sannarlega í ströngu þessa dagana því hann er líka að sinna Ljóðasetrinu sem fyrirhugað er að opna næsta sumar, en það stendur til að mála húsið á næstu dögum.

Þórarinn hefur unnið mikið og gott starf í þágu menningarmála á Siglufirði og er hann ötull baráttumaður fyrir eflingu menningar í bæjarfélaginu og hann hrós skilið fyrir sitt framlag.