Tónlistardagar á Siglufirðir

Það er mikið um að vera í tónlist í dag og á næstu dögum á Siglufirði í tónlist. Í kvöld munu félagarnir Gylfi, Rúnar og Megas spila á Kaffi Rauðku. Á Sunnudag verða stór-jólatónleikar með hljómsveitunum Baggalút, Hjálmum og Memfismafíunni á Kaffi Rauðku. Á mánudag verða síðan tónleikar með Regínu Ósk í Siglufjarðarkirkju.



Gylfa, Rúnar og Megas þekkja allir en þeir kumpánar fylltu Kaffi Rauðku fyrir ekki svo löngu síðan á frábærum tónleikum. Tónleikar þeirra í kvöld hefjast klukkan 22:00.

Baggalútur, Hjálmar og Memfismafían sameinast á stór-jólatónleikum í Kaffi Rauðku á sunnudag klukkan 21:00. Þrjár glæsilegar og ólíkar samsetningar á hljómsveitum eru hér á ferð og munu þessir tónleikar án efa verða mönnum lengi í minni.

Regína Ósk er ein af glæsilegri söngkonum Íslendinga og mun hún halda tónleika í Siglufjarðarkirkju mánudaginn 12. des. Frábær söngkona á ferð.