Tunglmyrkvi

Fagur tunglmyrkvi blasti við á norðurhimni um miðjan dag í gær - í heiðríkju og stillu. Í fljótu bragði var kannski ekki gott að átta sig á því hvað var að gerast nema maður hefði heyrt sagt frá tunglmyrkvanum í útvarpsfréttum eða tekið eftir þvi að máni gamli svífur fullur um himininn þessa dagana. En skyndilega reis hann upp í fjarðarmynninu, tæplega hálfur og bleikur í framan.

Fyrsta myndin var tekin í Héðinsfirði um 20 mínútur fyrir fjögur þar sem austanáttin kembir hærurnar á Víkurbyrðu. Klukkutíma síðar hafði máni gamli hrist af sér skugga jarðar og speglaði sig í Ólafsfjarðarósi. Og loks sýnir síðasta myndin hvar hann siglir yfir Nesnúpnum á fullum ljósum enda komið brúna myrkur.





Þrjár myndir: ÖK



Mynd: SK







Texti: ÖK

Þrjár myndir: GJS