Túnfiskveiðar á Siglufirði ?

Nei, ekki var það svo gott. Þarna voru á ferðinni áhugamenn um stangveiði sem voru að kynna sér nýjustu veiðigræjurnar.

Stangveiðifélag Siglufjarðar var með kynningu á stangveiðibúnaði í verslun Olís og mætti sérfræðingur frá Ellingsen á svæðið og sýndi mönnum réttu handtökin.

Menn sýndu mikil tilþrif með stangirnar og ljóst er að það á eitthvað eftir að fækka í ám og vötnum landsins þegar þessir kappar halda til veiða.