UÍF minnir á samkeppni um merki sambandsins

Það er margt annað sem fylgir sameiningu bæjarfélaga en stjórnsýslan og má þar meðal annars nefna íþróttafélögin en Ungmenna- og íþróttasamband Fjallabyggðar auglýsir nú samkeppni um merki sambandsins. 

UÍF var stofnað árið 2009 með sameiningu UÍÓ og ÍBS.  Merkið verður m.a. notað á hátíðarfána sambandsins, flaggstangarfána og barmmerki.

Tillögum skal skila í lokuðu umslagi merktu Samkeppni um merki UÍF á skrifstofur Fjallabyggðar fyrir 15. mars.

Nefnd á vegum UÍF velur úr innsendum tillögum og leggur fyrir stjórn sambandsins.

Öllum er heimil þátttaka.  Verðlaun fyrir vinningstillöguna eru 30.000 kr.