Undirbúningur í fullum gangi í Skarðsdalnum.

Fréttir

Undirbúningur í fullum gangi í Skarðsdalnum.

Nú er unnið að fullu við undirbúning fyrir Páskahátíðina í Skarðsdalnum.

Það þarf að flytja til töluvert magn af snjó, sem skiptir hundruðum tonna. Sækja þarf þennan snjó töluverða leið upp í gilin fyrir ofan Skíðaskálann.

Á Neðstasvæði og T-lyftusvæði eru svæðin orðin mjög góð, tilbúin fyrir þá fjölmörgu gesti sem munu leggja leið sína til Fjallabyggðar um páskana. Nægur snjór verður í öllum brekkum og á svæðinu verða Hólabraut, Bobbbraut, Palla, Giljabraut, Leikjabraut fyrir þá yngstu og margt fleira er í gangi í Skarðsdalnum. Til dæmis verður lifandi tónlist í Skíðaskálanum.

Allar upplýsingar um viðburði og opnunartíma svæðisins er að finna á heimasíðunni frægu skard.fjallabyggd.is

Sjáumst hress í Skarðinu eins og sagt er.