Unnið við sparisjóðinn

Málararnir Doddi, Mark, og Stebbi vinna nú á fullu að því að undirbúa málun á húsnæði Sparisjóðs Siglufjarðar og apóteksins. Í dag var unnið að viðgerðum á minniháttar múrskemmdum á húsinu.

 

Það hefur verið í nógu að snúast hjá málarameisturunum á síðustu viku en þeir hafa nýlega lokið við að mála Ráðhús Siglufjarðar sem tókst með eindæmum vel. Sparisjóðurinn er því annað húsið sem þeir taka að sér að mála í miðbæ Siglufjarðar í sumar og verður gaman að sjá hvernig um verður að litast í bænum þegar sumarið er liðið.
Sigló.is mun fylgjast með framkvæmdinni á næstu dögum og öðrum verkum sem bæjarbúar eru að vinna að þessa dagana.