Upplestrar og prjónakvöld í Bókasafninu á Siglufirði

Fjölmennt prjónakvöld var í Bókasafni Fjallabyggðar á Siglufirði í gærkvöldi. Rósa Bjarnadóttir, forstöðumaður bókasafnsins kom þessum skemmtilega viðburði á og er ljóst að konur hafa gaman að því að koma saman og njóta góðrar kvöldstundar.

Upplestur jólabóka hefur verið liður í dagskránni hjá þeim frá því í nóvember og í gærkvöldi voru þrír upplesarar konunum til mikillar ánægju.

Prjónakvöldin hafa verið haldin tvisvar í mánuði síðan í haust og fjölgar sífellt í hópnum.  Þetta var síðasta prjónakvöldið á árinu en byrjar svo aftur á nýju ári.



Anita Elefsen las úr bók sr. Bjarna Þorsteinssonar



Rósa Bjarnadóttir las úr bókum um Elfríð eftir Helgu Erlu Erlendsdóttur og Myrknætti eftir Ragnar Jónasson



Þórarinn Hannesson las úr bók sinni 50 gamansögur frá Siglufirði















Texti og myndir: GJS