Vætutíð

Ekki gengu veðurspár alveg upp fyrir okkur Siglfirðinga en tölverð úrkoma hefur verið alla helgina. Veðurfræðingar voru á því að hitinn færi í fyrsta sinn yfir 25°C um helgina og það á norðurlandi. Það hefur svo sannarlega verið hlýtt alla helgina en þessum hlýindum hefur fylgt mikil úrkoma.

Rigningin er þó ekki alslæm og finnst mörgum hún kærkomin tilbreyting og nokkuð víst að hún er góð fyrir gróðurinn og vatnsbúskapinn.

Það var ansi þungskýjað yfir bænum og rigndi töluvert þegar þegar fréttamaður brá sér í göngutúr í morgun.

Það er glæsilegt útsýnið yfir bæinn séð frá Saurbæjarásnum, en nýverið hófu verktakar aftur vinnu við útsýnis afdrep  þar.

Staðsetningin er frábær og ekki er útsýnið verra, þetta verður sennilega vinsæll áningarstaður þegar að framkvæmdum lýkur.