Þuríður Sigurðardóttir og Vanir Menn í Bátahúsinu

Haraldur Gunnar Hjálmarsson, Magnús Guðbrandsson, Leó Ólason og Birgir Ingimarsson sem saman skipa hljómsveitina Vanir menn spiluðu í Bátahúsinu á Föstudaginn langa undir söng Þuríðar Sigurðardóttur stórsöngkonu.

Harald Gunnar, eða Halla Gunna þekkja flestir Siglfirðingar, en hann er sonur Höllu Haraldsdóttur listakonu og Hjálmars Stefánssonar. Hin landskunna söngkona Þuríður Sigurðardóttir heldur um þessar mundir upp á 45 ára tónlistarferil sinn. Hún er einnig tengd Siglufirði, en föðurbróðir hennar, Jónatan Ólafsson bjó lengi á Siglufirði og samdi þar mörg landsþekkt lög. Þuríður flutti meðal annars lög eftir föðurbróður sinn ásamt fjölmörgum fallegum dægurlagaperlum sem lifað hafa með þjóðinni um árabil. Tónleikarnir voru í alla staði vel heppnaðir og fjölmennir en forsala aðgöngumiða gekk svo vel að ekki voru seldir miðar við innganginn og þurfti fjöldi manns frá að hverfa sem ekki hafði tryggt sér miða. Alls voru 250 tónleikagestir í Bátahúsinu þetta kvöld og bryggjurnar því þétt setnar.



Róbert, Björn, Ævar, og Guðbjörn



Tónleikagestir



Hljómsveitin



Tónleikagestir



Bakarameistarinn Jakob Kárason Ljósm. GJS

 Fleiri myndir HÉR