Verið að landa í Siglufjarðarhöfn

Mikið var að gera við höfnina á Siglufirði í gær, verið var að landa rækju úr þremur skipum og bolfiski úr Örvari SH-777. Bræla var á miðunum en skipin fóru að tínast út með kvöldinu.

Múlaberg SI-22 landaði 13 tonnum af rækju og 11 tonnum af bolfiski. Siglunes SI-70, 11 tonnum af rækju. Sigurborg SH-12, 13 tonnum af rækju og 5 tonnum af bolfiski. Örvari SH-777 landaði 32 tonnum af þorski sem fór í flutningabíla sem var ekið með á Snæfellsnesið.



Örvar SH-777

















Vélstjórinn á Siglunesi SI-70. Óli Siggi

Texti og myndir: GJS