Vond veðurspá - frestun mannfagnaðar

Af vefsíðu Veðurstofunnar

Vegna þess að spáð er óvenju slæmu veðri, hefur verið ákveðið að fresta árshátíð Slysavarnardeildar kvenna Ólafsfirði sem vera átti á morgun,  til 5. janúar n.k.

Eins og kemur fram á vef Veðurstofunnar er ekki útlit fyrir ferðaveður.

"Spáð er norðanstormi eða -ofsaveðri (20-32 m/s), fyrst á Vestfjörðum síðdegis en V-lands í nótt og á morgun. Stórhríð á norðanverðu landinu í nótt og á morgun. Einnig er bent á að samfara óvenju lágum loftþrýstingi er stórstreymt."

Það eru eindregin tilmæli til allra sem hyggja á ferðalög að fylgjast vel með veðurspá og færð á vegum.