Níu ára ökumaður

Lögreglan í Fjallabyggð stöðvaði för ungs ökumanns eftir hádegið í dag eftir að hafa fylgt bifreið unga ökumannsins eftir í gegnum Héðinsfjarðargöng. Í ljós kom að ökumaðurinn var aðeins níu ára gamall og var það afi hans á níræðisaldri sem leyfði stráksa að keyra frá Héðinsfirði til Siglufjarðar.
Að sögn lögreglunnar þótti ökulag bifreiðarinnar eitthvað rykkjótt og ákvað að kanna málið. Þegar lögreglan stöðvaði för bifreiðarinnar sá hann lítinn pilt stökkva úr ökumannssætinu og aftur í.Aftur á móti sat afi drengsins í framsætinu og viðurkenndi að hafa leyft drengnum,sem með réttu ætti að sitja á púða aftur í,að keyra.