Ævintýri í Eyjum – 40% afsláttur í forsölu

Selma Hrönn Maríudóttir á ættir sínar að rekja til Siglufjarðar. Hún er dóttir Gylfa Ægissonar og ólst upp á Sigló að hluta auk þess sem hún átti að eigin sögn mörg skemmtileg sumarfrí á Sigló eftir að hún flutti burt.
Hún hefur m.a. gefið út barnabækur og heldur úti vef í tengslum við þær sem heitir www.grallarar.is. Hver bók er tileinkuð ákveðnum stað eða efni og nú um mánaðarmótin kemur þriðja bókin út sem gerist í Vestmannaeyjum en hún heitir Ævintýri í Eyjum.
Verkefnið fékk styrk frá Menningarráði Suðurnesja og af því tilefni er hægt að kaupa  bókina í forsölu með 40% afslætti á vefnum fram til 1. nóvember. Selma Hrönn vill kynna þennan afslátt sérstaklega fyrir Siglfirðingum Þar sem mikið af fyrri bókunum tveimur hafa farið til Siglufjarðar.

Heimasíðan Grallarar.is er sérstaklega skemmtileg og mjög aðgengileg fyrir krakka, þar er hægt að nálgast myndir úr litabók sem hægt er að prenta út og einnig eru þar einfaldar uppskriftir fyrir krakka og púsluspil svo eitthvað sér nefnt. 

Nánar um Selmu Hrönn Maríudóttur HÉR