Getraunaleikur KS 1X2

Síðastliðin laugardag hófst getraunaleikur KS og 1X2 og vel var mætt og mikið tippað. Að sjálfsögu voru mættir gárungar sem allt vissu og tippuðu rétt þó siglo.is hafi ekki frétt af neinum með alla rétta en Höddi Júll náði þó 8 réttum. Nú hefur sérfræðingur frá Íslenskri Getspá mætt á svæðið til að kynna möguleikana á því að vera með í hópleik.


Leikurinn verður kynntur næsta laugardag kl. 11:30 og er um að gera að mæta, tippa og hlusta á kynninguna frá Bigga getspársérfræðings um hópleikinn sem á að nota í vetur. Allir eru velkomnir, kaffi á könnunni og kanilsnúðar frá Pálu.