Hetjur hafsins

Bátar voru að landa eða bíða eftir löndun þegar siglo.is mætti á bryggjuna í gær til að taka nokkrar myndir af þessum hetjum hafsins. Aflabrögð hafa verið svona upp og ofan sagði einn útgerðarmaðurinn, sumir bátana eru byrjaðir aftur á línu eftir grásleppuvertíðina.
Alltaf er fjör á bryggjunni og stutt í grínið og ekki slæmt þegar ferðamennirnir koma að fara með þá niður á bryggju þegar bátarnir eru að landa.



Bára SI-1 landar.



Gísli Súrsson GK-8 gerði það gott í gær.



Reynir Karlsson og Júlía Óladóttir á Júlíu SI-62 koma í land.



Sigurður Jónsson er örugglega einn af hetjum hafsins.



Sverrir Óla hefur lengi stundað sjóinn.



Guðmundur Óli er með sjómannsblóð í æðum.



Þessir hafa báðir siglt til Hull og sennilega er Samkaupsstjórinn að falast eftir fiski hjá Ægi.