Keypti eigin bílvél sem var stolið

Lögreglan í Árnessýslu rannsakar nú óvenjulegt þjófnaðarmál sem snýst um það að maður í Hveragerði keypti nýverið notaða bílvél, sem reyndist vera sama vélin og stolið var frá honum fyrir nokkrum árum. Þetta kom í ljós eftir að kaupin voru gerð og seljandinn eða þjófurinn var á bak og burt með andvirði þýfisins. Haft verður uppi á honum og hann krafinn skýringa.