KS steinlá í handboltanum

KS-ingarnir í handboltanum steinlágu fyrir sprækum ÍR-ingum í handboltanum í gærkvöldi, 13-38 tap var staðreynd eftir að jafnræði hafði verið með liðunum fyrstu 7 mínúturnar. ÍR átti aldrei í vandræðum með hið aldna lið KS sem skópu sér þó fullt af færum en ekki vildi boltinn í markið.
Að venju var fjöldi áhorfanda á leiknum enda um stórkostlega skemmtun að ræða þar sem vel er tekist á. Í hálfleik fóru dómararnir með krökkunum í vítakastkeppni og mátti sjá röð barna og unglinga eftir endilöngum leikvellinum. Það virðist vera mikill áhugi á handbolta hér á Siglufirði og hver veit nema Róbert og félagar geri eitthvað meira. Það stendur þó á því að íþróttarsalurinn er uppbókaður og krafa um niðurskurð og hagræðingu er ekki til að bæta úr því.

Myndir HÉR