Mikill stuðningur við Andrés Magnússon

Um 1.000 manns hafa nú skrifað undir yfirlýsingu þar sem mótmælt er uppsögn Andrésar Magnússonar yfirlæknis á Siglufirði og því hvernig staðið var að ráðningum nýrra yfirmanna við Heilbrigðisstofnun Fjallabyggðar. Söfnunni lýkur á morgun og í framhaldinu verða niðurstöður hennar kynntar fyrir heilbrigðisráðherra, bæjarráði Fjallabyggðar, þingmönnum Norðausturlands og formanni heilbrigðisnefndar Alþingis.
Þessi mikla þátttaka í mótmælunum og sá mikli stuðningur sem Andrés hefur fengið hlýtur að leiða til leiðréttinga á þeim ákvörðunum sem teknar voru. Rekstur heilbrigðisstofnunarinnar er málefni allra bæjarbúa og ekki er hægt að horfa fram hjá eindregnum vilja þeirra í þessu máli.