Nóg framundan á Allanum

Það var nóg að gera hjá starfmönnum Allans er siglo.is leit þar inn í dag. Ólafía sagði að undirbúningnum væri að ljúka og nú þegar væri törnin hafin, Haraldur   ( kartöflubóndi) eiginmaður hennar ætlaði að bjóða uppá hollan og góðan verslunarmannahelgar mat.
Hver stórhljómsveitin á fætur annari mun leika um helgina og byrjum við á föstudagskvöldinu en þá munu Tóti og Danni hita upp fyrir hljómsveitina Buff. Á laugardagskvöldið mun hljómsveitin Evanger hita upp fyrir hljómsveitina Papa. Á sunnudeginum munu Hara systur vera með tónleika kl:16 og svo um kvöldið munu Stúlli og Dúi sjá um fjörið eins og þeim er einum lagið. Ólafía gaf sér samt tíma fyrir smá myndatöku með Ömmubarninu en Haraldur náðist ekki á mynd enda allt á fullu hjá honum.