Prjónaklúbbur

Það var grafarþögn er siglo.is leit inn í vinnustofu Fríðu Gylfadóttur í gærkvöldi, önnum kafnar við að prjóna sátu vinnufélagarnir úr SPS. Slík var einbeitingin að heyra mátti saumnál detta. Félagsskap þessum var startað í síðustu viku og ætlunin var að hittast einu sinni í mánuði eða tvisvar, raunin varð sú að þær ætla að hittast í hverri viku enda áhuginn mikill.
Yngri konur voru að læra af þeim aðeins eldri sem deildu úr sínum viskubrunni og heyrðist þessi setning meðal annars hjá einni af yngri kynslóðinni: "ég verð aldrei búin með peysuna" og "trefillinn er allur á röngunni". Það var þó greinilegt á öllu að allar skemmtu sér vel og tóku loforð af siglo.is að hann yrði að prjóna bikiní.

Lauga niðursokkin, Ósk í pásu og Kata ekki að nenna þessu.



Oft má sjá undarlega munnsvipi við prjónaskap. Bryndís á röngunni, Ásta Rós verður aldrei búin, Ragna þarf ekki að horfa á prjónana, Gilla í læri hjá Ásdísi.



Jóna í sykursjokki og Dedda heldur ró sinni.



Helga einbeitt og Bryndís á réttunni.



Þarna má sjá ermar á peysu sem Ragna kláraði á síðasta prjónakvöldi.



Gilla komin á fullt eftir leiðbeiningar frá Ásdísi.



Þess má geta að gestgjafinn baðst undan myndatöku en hún er mikill listamaður.