Sjá sóknarfæri í kreppunni

Við erum ekki enn farin að finna fyrir auknum áhuga erlendra ferðamanna á að koma til Vestfjarða,“ segir Elías Oddsson, framkvæmdastjóri Vesturferða á Ísafirði, aðspurður hvort áhugi ferðamanna á svæðinu hafi aukist vegna falls krónunnar. Erlendir ferðamenn eru meira að skoða lengri ferðir til Vestfjarða en það er ekki töluverð aukning. En það er alls ekki minnkandi áhugi hjá erlendum ferðaskrifstofum, þetta er alltaf aðeins á leiðinni upp á við,“ segir Elías. Hann segist sjá aukin sóknarfæri fyrir Vesturferðir þegar þrengir að þjóðarbúi Íslendinga. „Við horfum á fyrirtæki á höfuðborgarsvæðinu. Við vonumst eftir því að nú fari þau frekar í árshátíðarferðir út á land fremur en erlendis. Ég býst við að ferðir erlendra ferðamanna verði fleiri á næsta ári en ég á mjög erfitt með að henda reiður á hvað Íslendingarnir koma til með að gera, það fer eftir dýpt þessarar efnahagslægðar,“ segir Elías.