Sjóflugvél á Siglufirði

Það er sennilega langt síðan að sjóflugvél lenti á  Siglufirði. Arngrímur Jóhannsson flugstjóri lenti vél sinni de Havilland DHC-2 Beaver í innrihöfninni í gær og brá sér í kaffi hjá Valla í Harbor House og hélt síðan sína leið. Óhætt er að segja að þessi flugvél er glæsileg og sennilega hafa margir rifjað upp í huganum síldarárin.

Gaman var að þessu og kannski er þetta framtíðar ferðamennska hér á Siglufirði að sjóflugvélar stoppi hér með kaffiþyrsta flugfarþega.