SR-Vélaverkstæði

Verkefnastaða hjá SR-Vélaverkstæðis hefur verið nokkuð góð það sem af er “kreppunnar” og verkefni nokkuð örugg næstu mánuði amk.
Þar var í gær verið að leggja síðustu hönd á stóra sendingu sem samanstendur á sérbúnaði vegna loðnu og síldarlöndunar til Noregs, sem lestaður verður í dag. Þessi búnaður er hannaður og smíðaður hjá SR-Vélaverkstæði.
Þetta er svipaður búnaður og þeir hafa framleitt fyrir margar loðnuverksmiðjur hér á landi.




Þá eru þeir með stórt verkefni fyrir Ísaga í Reykjavík, þe. grindur undir gas og súrhylki, en samskonar grindur voru framleiddar af SR-Vélaverkstæði fyrir um 6-7 árum.
Þá eru ýmis minni verkefni í gangi og menn bjartsýnir á þeim bæ.