Steini Vigg

Bjarni málari var að merkja eikarbátinn Steina Vigg SI 110, með aðstoð fyrrum eiganda og skipstjóra bátsins Hauki Jónssyni.
Áður hét báturinn Guðrún Jónsdóttir SI 155. Þessi fallegi bátur var smíðaður á Akureyri árið 1976 og er 28, 8 brúttótonn. Kristján myndlistakennari í Grunnskóla Siglufjarðar var að taka út verkið og honum leist bara vel á vinnubrögðin. Bjarni getur verið stoltur af sínu verki  enda þaulvanur málari og búinn að merkja marga báta í gegnum tíðina. Nú er verið að leggja lokahönd á að mála bátinn sem verður glæsilegur á að líta eftir allsherjar yfirhalningu.



Félagarnir Kristján, Bjarni og Haukur