Stöðva framkvæmdir í Héðinsfirði

Bæjarstjórn Fjallabyggðar hefur stöðvað framkvæmdir landeigenda í Héðinsfirði, sem ekki hafi tilskilin framkvæmdaleyfi. Um er að ræða lagningu vega frá hinum nýja þjóðvegi innarlega í Héðinsfirði og að Héðinsfjarðarvatni.
Einnig gerð bílaplans fyrir um þrjátíu bíla, vegarslóða vestan við Héðinsfjarðarvatn og norður í ós, gröft úr ósnum og þar með lækkun vatnsyfirborðs og girðingarvinnu. Formaður skipulags- og umhverfisnefndar Fjallabyggðar segir að svo virðist sem ráðist hafi verið í framkvæmdir í Héðinsfirði í leyfisleysi. Þess vegna hafi framkvæmdir verið stöðvaðar, þar til málið hafi verið skoðað ofan í kjölinn. Tæknideild bæjarins mun skila bæjaryfirvöldum greinargerð um málið í vikulok.

frettir@ruv.is