Stigamót Blaksambandsins í strandblaki

Um helgina fór fram annað Stigamót Blaksambandsins í strandblaki en mótið fór fram í Hveragerði.

Níu lið tóku þátt í B-deild kvenna og mætti eitt lið frá Fjallabyggð en það voru þær Anna María Björnsdóttir og Sigurlaug Guðbrandsdóttir.

Stúlkurnar spiluðu alls sex leiki og gerðu sér lítið fyrir og unnu þá alla og stóðu uppi sem sigurvegarar í B-deildinni.

Frábær árangur hjá stelpunum og óskum við þeim til hamingju með árangurinn en næsta stigamót fer fram um næstu helgi á Þingeyri og svo er mót á Siglufirði 12.-13.júlí.