Þjóðlagahátíðin fær styrk úr tónlistarsjóði

Í fréttatilkynningu frá Mennta- og menningarmálaráðuneytinu kemur fram að ráðuneytið hefur að tillögu tónlistarráðs úthlutað styrkjum úr tónlistarsjóði fyrir síðari helming þessa árs. Tónlistarsjóði bárust 82 umsóknir frá 76 aðilum. Heildarfjárhæð umsókna nam liðlega 38 milljónum króna og voru veittir styrkir til 50 verkefna upp á tæpar 9 milljónir króna.

Hæsta styrkinn, eina milljón, hlaut Þjóðlagahátíðin á Siglufirði. Þetta eru góð tíðindi og mikil viðurkenning fyrir þessa frábæru hátíð

Á næsta ári verða liðin 150 ár frá fæðingu sr. Bjarna Þorsteinssonar þjóðagasafnara og tónskálds. Þá er ætlunin að hafa þjóðlagahátíðina mjög veglega og jafnframt stendur til að gefa út nýja ævisögu sr. Bjarna Þorsteinssonar.

Unnendur hátíðarinnar geta því strax farið að hlakka til.