Flugvélarhluturinn vekur enn athygli

Enn eru okkur að berast fréttir af flugvélarhlutnum sem við fjölluðum um fyrir skemmstu. Valgeir Sigurðsson veitingamaður er fróður um flugvélar á Íslandi og sögu þeirra. Hann sagði siglo.is frá Lockheed P-38 Lightning vélunum og líklega var það ein af þeim flugvélum sem grandaði Focke Wulf FW 200 sem hluturinn er talinn úr.
Á stríðsárunum voru Melgerðismelar í Eyjafirði herflugvöllur og voru Amerísku vélarnar staðsettar þar. Þess má geta til gamans að árið 1944 urðu Loftleiðarmenn að mála vélar sínar að skipun hersins, blár búkur og gulir vængir. Valgeir hefur líka fengið símtal frá Ameríku þar sem líkum var að því leitt að þessi hlutur væri úr þýskum kafbát.

Focke Wulf FW 200



Lockheed P-38 Lightning