100 ára afmæli Grunnskóla Siglufjarðar og 100 ára afmæli upphafs rafvæðingar á Siglufirði

Mikið af fólki kom til að skoða gamla skólahúsið og einhverjir hressir kappar voru að ræða það í hvaða stofu skólastjórinn tók þá til bæna.

 

Hjalti Gunnarsson og Þorgeir (Doddi) Bjarnason ræddu þessi mál í góða stund án þess að komast að niðurstöðu hvor hefði farið oftar til stjórans.

 

Ég hinsvegar gekk um húsið með tossana tvo og sagði þeim frá því hvaða kennari var með hvaða stofu og hvaða kennsla fór fram í hverri stofu, en þó svo ég segi sjálfur frá var mikið talað um það á sínum tíma hvað ég tæki sérstaklega vel eftir og væri mikill námshestur, kurteis og prúður og hreinlega aldrei með fíflalæti.

 

Kennarar sem nú eru hættir kennslu sökum aldurs eða hafa snúið sér að öðrum störfum komu að sjálfsögðu við og héldu upp á þennan merkisdag.

 

Þetta var virkilega skemmtilegt og gaman að rifja upp gamlar skólastundir.

 

Fyrr um morguninn var farið grunnskólabörn í Síldarminjasafnið þar sem þau fengu fræðslu um það þegar ljósvél og raflýsing kom fyrst til Siglufjarðar.

 

 Gamla skólastofan sem var innréttuð í kjallaranum til þess að sýna hvernig skólastofur litu út hér áður fyrr.

 

 

 

Siggi Bald að rifja upp gamla tíma.

 

 

Jónína Magnúsdóttir skólastjóri með fyrstu skólatöskuna sína. Þetta virðist vera alveg ótrúlega lítið notuð taska, bara eins og glæný.

 

Haraldur Björnsson og Hjalti Gunnarsson líklega í fyrsta skiptið sem þeir koma sjálfviljugir í skólann.

 

Ríkey Sigurbjörnsdóttir aðstoðarskólastjóri.

 

Þær Berglind Friðriksdóttir og Rut Hilmarsdóttir eru báðar úr árgangi 1977. Þær komu til að rifja upp gamlar og góðar minningar en árgangurinn sem þær eru í bar víst af í sambandi við prúðmennsku og góðan þokka.

 

Einar Karlsson, Regína Mikaelsdóttir og Auður Kapítóla 

 

Kristrún Halldórsdóttir var ljómandi ánægð með skólann.

 

Steini Sveins er alltaf hress og vildi endilega vera svona á myndinni og nákvæmlega svona.

 

Doddi Bjarna.

 

Standandi frá vinstri, Örlygur Kristfinnsson, Páll Helgason, Skarphéðinn Guðmundsson og Guðný Pálsdóttir. Sitjandi frá vinstri Anton Jóhannsson og Regína Guðlaugsdóttir.

 

 

 

 

Á Siglfirðingur.is er einnig hægt að lesa mjög góða grein um þetta allt saman og við bendum á hana hér.