Aðalheiður S. Eysteinsdóttir með sýningu í Menningarhúsinu Bergi á Dalvík

Laugardaginn 9. feb. kl. 14.00 opnar Aðalheiður S. Eysteinsdóttir sýningu í Menningarhúsinu Bergi á Dalvík.

Sýningin er hluti af verkefninu " Réttardagur 50 sýninga röð" og er númer 42. í röðinni.

Undanfarin fjögur og hálft ár hefur Aðalheiður sett upp sýningar erlendis og hér heima sem allar fjalla á einn eða annan hátt um íslensku sauðkindina og þá menningu sem af henni skapast.  Þannig hefur hún fjallað um sauðburð, slátrun, kindur á fjalli, innmat, Þorrablót, réttardaginn, réttarkaffi og fl.  Yfirleitt standast sýningarnar dagatal sauðkindarinnar svo sem sauðburður á vorin, og eru gjarnan unnar í samstarfi við fjölda listamanna og annað skapandi fólk.

Sýningin í Bergi ber yfirskriftina " á Þorra "