Áheitaganga Sigurðar Hallvarðssonar til styrktar Ljósinu

Fréttir

Áheitaganga Sigurðar Hallvarðssonar til styrktar Ljósinu

Áheitaganga Sigurðar Hallvarðssonar til styrktar Ljósinu.

Eins og margir vita tóku starfsmenn Sparisjóðs Siglufjarðar sig til og gengu frá Ólafsfirði til Siglufjarðar fimmtudaginn 29. ágúst til að styðja Sigga í söfnuninni fyrir Ljósið.

Lagt var af stað frá Olís á Ólafsfirði klukkan 09:00 og komið til Siglufjarðar kl. 21.40 þar sem göngunni lauk við Sparisjóð Siglufjarðar.

Vegalengdin nálægt 62 kílómetrum.

Upphaflega átti að ganga í dag, föstudaginn 30. ágúst eins og Siggi en vegna slæmrar veðurspár var göngunni flýtt.

Siggi gengur í dag föstudaginn 30. ágúst frá Hveragerði til Reykjavíkur og eru vafalaust margir sem fylgjast með þessum baráttujaxli.

Þátttökugjald var 2.000 kr sem hægt var að greiða á staðnum og eða leggja inn á reikning Ljóssins í Sparisjóði Siglufjarðar númer hans er 1102-05-403000 kt. 590406-0740 sem og frjáls framlög.

Sparisjóðurinn styrkti gönguna með því að gefa fólki frí til þess að taka þátt sem og að leggja fé til söfnunarinnar.

Flott framtak hjá Sparisjóð Siglufjarðar og starfsmönnum Sparisjóðsins og vonandi leggja sem flestir málefninu lið.

Vilmundur Ægir var í göngunni og tók nokkrar myndir fyrir okkur í byrjun göngunnar sem koma seinna.

Ég tók svo rúntinn inn á Ketilás þar sem gönguhópurinn var að næra sig áður en haldið var áfram.

Svo að sjálfsögðu fylgdumst við með þegar göngugarparnir komu í bæinn ásamt Andra Hrannari sem keyrði fylgdarbílinn ýmist á undan eða eftir göngugörpunum.