Bara hugsa eins og kúkur,piss og rennandi vatn.
Þar sem ég þekki Grétar Sveinsson pípara nokkuð vel auk þess sem hann á afmæli 5 mars alveg eins og ég ákvað ég að trufla hann í cirka 2 mínútur við vinnu sína. Aðspurður segir hann að það sé vægast sagt brjálað að gera og hann sé hreinlega að drukkna í vinnu sem er alveg ljómandi gott miðað við sunnlenskan og jafnvel norskan mælikvarða.
Ég fór að forvitnast um það hverjar helstu þrautir og pælingar píparans séu og í hverju starfið felist svona helst.
Það stóð ekki á svari hjá kappanum. Hann sagði að maður verði bara að hugsa eins og kúkur,piss og rennandi vatn og þá er þetta fag alveg skítlétt og þrælskemmtilegt.
Þannig að ég reyndi að hugsa eins og kúkur, piss og rennandi vatn og ég er bara alls ekki frá því að ég sé orðin útlærður pípari.
Læt tvær myndir í viðbót fylgja með af Grétari, svona ykkur til yndisauka.
Ein af fjölmörgum skyldum píparans, en það er að svara í símann. Sýndist þetta bara vera gamall Nokia sími sem má muna
fífil sinn fegurri.
Athugasemdir